（廣東話大量出沒注意）
這些面試的資訊在網上可謂少之又少，每年的畢業生都只能夠透過朋輩或師兄師姐的口中略知一二。呢個面試後感其實寫俾自己睇，但如果你有幸search到，我都希望為你提供些許的參考價值。
RN 嘅Application for fresh grad喺一月頭就要遞交申請了，全部透過HA官網嘅Online Application Form填寫資料，主要都係填寫一啲相關學歷同工作經驗，而對於fresh grad嚟講最重要都係TUNS嘅working experience，detail至入職月份（呢個會唔記得真係要提早mark落CV）
而我一開始以為in HA都係需要CV的，但HA嘅interview真係同出面唔同，除咗學生證之外基本上冇拎過我其他咩文件。
來到四月中，朋友們都陸陸續續收到interview嘅email，視乎每個cluster，但大概最少都有一個周末俾你去準備。而我10幾號所收到的interview 時間就撞咗學校考試，我根據email上的指示第一時間就打俾HR嗰邊，但佢都係叫我send返email話佢聽原因，同咩日子得。
最後就係改咗今日，4月23號in喇。
我apply時選的priority是KEC，NTEC，KCC。
最後都係去咗KCC...其實由於我只係去過rehab嘅醫院，所以去QE in都有啲緊張，23號前有幾日復活節假期俾我溫書，但Nursing knowledge嘅大海如此大，deadline fighter如我又怎能溫出一個所以然來呢...
到真係我in喇，首先係一個英文嘅self-introduction, 冇計時，KCC似乎問問題是Free Style的，佢冇問到我關於我self-intro嘅嘢。
Interviewer有三個人，兩女一男，其中一個女來自Surgical，其餘兩個似乎就是CND了。
Surgical的那位叫我講講Endoscopy的Preparation such as Colonoscopy，我一下子打了個冷顫，老實說我從未遇過，但記得是學過的，只是哪記得那麼多...
Surgical 那位也是個好人，她都有guide住我去答，我只能夠答一啲阿媽係女人嘅嘢，例如consent，NPO（但後來她提醒我未必需要）。
之後佢再追問我Colonoscopy嘅嘢，當時我完全get唔到係咩嚟，但口啞啞答咗一陣開始get到係腸鏡，於是我話要洗腸乜乜乜，佢問我瀉水係咩，我實在好老實說唔記得，佢又話返俾我聽係Klean Prep，直覺告訴我這是一個佛心Sister。。。
後來佢問我係咪冇做過，我話係，Pre-op都冇做過？我話係。。。。
然後坐在中間的男人就開始轟炸我，問我有冇溫書，一定問返你識嘅嘢嫁啦？又問我做nurse最重要係咩，我答誠實，caring之類，佢就話，係囉，你care patient就係擔心個patient有咩問題，你全部都唔識，仲話自己好鍾意做？？？
然後Surgical Sister就問我Prevention of Pressure injury，我只想起Turning。。。
忘記了從Assessment開始講起，Surgical Sister又提我，我又答咗陣，已經好努力嘗試組織一下答案的了，但臨場真係咩都唔記得，氣場又恐怖。
然後男人又轟炸我，問我你覺得你邊一條答得到，我答pressure injury（好厚顏無恥=v=）
然後傳聞中最西面的左邊女人就叫我systematic啲答一次，佢哋再睇下。
然後我又答咗一次，男人就問我仲有咩問題問佢哋，我當然有都答冇，實在很想逃出去。。。
走的時候HR姐姐（全程在場）微笑地帶我走，簡直就是清泉T^T
其實我開始時招呼都冇打，bye bye也是說到嘴邊吞回去。實在太恐怖。。。
最後夜晚我send了thank you letter俾HR姐姐，真心反思自己不足，老實說，說起做護士我實在是戰戰兢兢，儘管到臨床一切都沒有那麼恐怖，但還是會害怕。
聽聞有啲人入去好快就出咗嚟，只問了一條問題之類，也是簡單的。
但也不乏人好似我咁俾佢哋鬧到一面屁，一啲面都唔俾。
但聽聞KCC係咁鍾意鬧的，鬧完係會請。但被reject offer嘅case亦都唔係冇。（（但朋友說答得差過我。
最後有冇Offer亦要聽天尤人了。有的話再update。
順帶一提，HR很忙，去到自己坐喺到就會有人叫你，一齊in的亦大都是東華同學，喺出面亦有人同你傾下偈冇咁驚嘅。
雖然呢個interview俾人感覺真係好港式，好唔尊重interviewee，但無奈這應該是傳統香港公司／機構嘅一貫價值，無可能做到外國咁，係一個supportive嘅environment。
過兩日仍然有兩個考試要考，考完我就真係結束一切煩憂了，但deadline fighter如我實在需要更加自律，始終真係唔想third hon畢業。。。。
2019.06.06更新：KCC offer已出，擔驚受怕那麼久總算有些着落，今年應該算是早出offer的，稍後再把收到offer後的細節送上吧。
==============================
如果喜歡我這樣的分享，請給我5個like！我將會得到Likecoin作為報酬。
如果你想以實際報酬鼓勵創作者，或希望獲得Likecoin，也邀請你使用我的連結進入Liker Land！
推薦閱讀：
0 Comments
Post a Comment