自上次出Offer的帖文後，已經過咗三個月... 其中我去咗一次歐洲旅行，去咗一次英國參加表姐的婚禮，又要面對全新嘅人和事，實在忙得不可開交，以至冇咩時間整理哩幾個月嘅心路歷程。（最輕鬆的通勤時間用來打牧羊人ORZ）

這段日子事實上真的好多經歷，但無奈而家要講又好難從頭說起，當中感動辛酸學習...數之不盡。我盡量理清先後次序，等大家知道大概流程，起碼不要咁徬徨吧！（其實都是徒然，到你等嘅時候，即使你知道晒一切，你都係會好心急好緊張...）

6月6日收到嘅Email係由QE嘅HR部門發出，以我所知所有KCC醫院都係由QE個HR中央發放，所以哩一刻係未知會被派到邊間醫院。Email中需要填寫是否interested in 呢個RN post(in KCC)，會要你填寫Preference for specialties，據我所知根據你被編派的醫院，張form會有所不同，大家可以同同學對下，估下大家會去邊度啦～！而以我為例，我係去廣華醫院，大家記得要認真填呀！因為廣華的CND真係會跟你個Preference派你去邊㗎！而且廣華Rotation完咗係會返mother ward㗎（除非你自己提出唔返）。所以為咗自己幸福著想，唔好亂填令自己難過～而根據CND的說話，rotation都係會參考返呢個preference！其實係一個好好嘅措施同好人性化！不過當然，未必100%去到你想去嘅地方，始終有啲地方係爭崩頭，例如OT，Ortho，A&E... 當然M&G係無限歡迎您...XD

然後就係做Pre-RN TUNS嘅意願，會比你揀7月頭中尾+要交做TUNS必備嘅學歷証明。我覺得做唔做其實就冇咩所謂嘅，因為之前師兄師姐有啲會話一定要做，因為你做TUNS，著學生制服啲人會比較肯教，而你RN咗就當你係staff咁，而有啲師兄師姐就叫你去旅行要去盡佢，唔好咁早staff。而以我嘅經驗，做Pre-RN TUNS唔會多咗時間上手，因為我哋個ward係有2個月時間要跟mentor，而哩兩個月係計埋做TUNS嘅時期！而簽名方面，未甩拖，就算你係RN都係要人countersign...所以係冇分別！我諗唯一唔同可能係TUNS唔會有CMS account。但係之前講過我哋可以揀Preference嘅，你越早入職，選擇咪越多囉！遲咗入職就俾人揀晒嫁啦～所以我覺得如果覺得人工低幾皮好蝕嘅就唔好咁cheap啦～咪最多蝕一兩個月，豪俾佢啦～但係如果真係有事或者安排咗去旅行，就千祈唔好屈就自己，同HR溝通，去晒先返工啦！

不過以我Case，我去表姐婚禮係9月，7月中－8月尾中間都有一個月時間，我又唔想拖咁耐。7月中返工之後有同經理商量過，原本我諗住等到去完英國先交RN牌轉RN約，因為TUNS方便請假，但原來唔得㗎！HR會知道你幾時攞牌，會催你交牌轉約。但我經理好好，會幫我度，叫我唔洗擔心。到咗8月中，我個牌真係到咗-v- 8月12號入職。我總共要請5日假，點知用例假就搞得掂！又唔洗advance PH又唔洗預支AL。真係謝天謝地㗎~但係呢個情況只適用於好人嘅經理...

而最後要填嘅就係Physical Examination嘅時段喇~哩一項只適用於新同事，如果本身係TUNS，serve緊HA就唔需要嫁！

接著下來的一些Email往來就是簽署一些文件，像是關於私隱的文件，查閱罪行以及疫苗注射紀錄等等，我就不詳敍了，反正大家根據指示做就好。

然後就到健康檢查和簽約的日子了。健康檢查只是做了很普通的視力測試，量血壓和驗尿。因為X光和抽血在我上次做的時候電腦都有記錄，所以就不用再做了。做健康檢查的時候第一次踏足廣華醫院，像我這樣的人真的除了工作需要根本沒有去過醫院-口- 猶記得當初奶奶生病的時候去看過一次，看著比平時消瘦的奶奶完全認不出來，那時候真的還小，對醫院的環境也是相當陌生，連哪間醫院都忘記了... 記得實習的時候如果有家人來，我都很自然的去交給家人照顧病人。但其實回想起來，並不是所有病患者家屬都如此熟練，也有手足無措的，但病房環境實在忙碌，真的要時刻警醒自己是否不能做到體諒和體貼了。印象叫做稍為深刻的所謂醫院的經歷，是外婆生病時到老人院去的經歷。當初是學護一年級，對護理的工作其實仍然是相當陌生，看著那條Ryles，我完全不懂操作......想著想著原來自以為沒有什麼作為的五年間，我的成長這麼大... 扯遠咗添！講返廣華醫院，佢俾我印象係一間相當傳統古老嘅醫院，APN嘅正式制服居然包括咗護士帽！傳說中護士帽係03年沙士之後漸漸因為infection control的緣故逐漸被淘汰的，但作為白衣天使，其實護士帽有個象徵意義，就等於我們學校沒有的南丁格爾加冠儀式，這種傳統儀式逐漸被遺忘。看到護士帽才是真正的護士呀！後來在上課的日子裏，高層們的親切對待也真的彷彿感受到她們口中的『廣華情』。簽約就沒什麼特別的了，但由於我的健康檢查當初未完成，簽約的時候就只簽了TUNS約。簽約時還會把強積金資料，5%房屋津貼，report duty和培訓的資料提供告訴大家。

其實真的很後悔沒有一早把這些心路歷程打出來呢！現在真的不知道從何說起了。先在這裡停頓一下，接下來會把簽約的資料，上課培訓的資料說一下，然後才到病房的經歷。希望我能盡量交代！！！其實說得那麼長氣主要是為了自己，日記真的沒什麼整理的說。