最後更新日期：6／2／2021

老實說我還是很不清楚自己。

今天在比較fd嘅同事口中知道咗我嘅一啲風評。其實我知道我哋個ward是非比較多，可能會有人對我有啲意見都唔一定。

但係真係聽就第一次，同埋呢排我工作上都遇到一啲嘅瓶頸，所以我問埋塔羅牌，其實問塔羅都係一個探索自己嘅過程嚟。佢話我而家嘅狀態係躊躇緊，甚至有唔想做嘅念頭，但係都只係諗下，應該唔會唔做。我係一個比較大愛嘅人，而且說話比較直，亦都冇咩階級觀念，真係有果句講果句。亦都可能係一啲態度上會令人第一印象唔好。

塔羅牌亦都講到我會越級去諗一啲嘢，而呢啲嘢喺應該諗同埋注意嘅，只係唔係我呢個position應該去留意嘅嘢。建議係叫我搵一個學習對象。但整體塔羅的意思係我呢份工仍然有學習同發展空間，而且並唔覺得我嘅磁場或者宇宙出現咗啲咩嘅問題。其實都安咗我嘅心。同朋友討論過咗之後，我就覺得應該係我太多管閒事，例如我喜歡環保一樣，我必須要承認呢個世界其實有好多人都係so called『打份工』並唔會好似我咁關心咁多背後嘅嘢。

叫你做你咪做囉，關心咁多做乜啫。

其實我有啲同事都唔係冇意見架，但係佢哋識得多一事不如少一事，呢啲都係我要學習嘅地方。係呢個工作環境，我要學習嘅唔淨止係點樣對待護士呢一份工作，更係我嘅一啲歷練。

至於人哋比我嘅風評，把口生係人哋度，亦都冇必要一定要去改變自己。

希望呢一番沉澱同整理會令我釋懷，更好。

未來將會睇嘅一本書：被討厭的勇氣

=================================
如果喜歡我這樣的分享，請給我5個like！我將會得到Likecoin作為報酬。
如果你想以實際報酬鼓勵創作者，或希望獲得Likecoin，也邀請你使用我的連結進入Liker Land！