至於房屋津貼方面，分開兩種大家可以自由選擇，1是HLISS（Home Loan Interest Subsidy Scheme），2是5%的現金津貼。應該絕大多數的正常人都會選擇5%的現金津貼！HLISS詳細的介紹可以看這裡。
我的天...寫完忘記save結果都沒有了，要重新碼字...
而且HLISS有很重大的限制，就係佢一定要工作滿3年（期間不可領取任何房屋津貼），而且一定要買樓先可以享用，Percentage大概係6%。5% vs 6%，相信大家都識揀無咩限制嘅5%啦。但當然，房屋津貼不可同其他房屋津貼一齊用，例如你本身住公屋有你名／你伴侶本身已經有領取房屋津貼。問過HR，KCC有一個HR同事專門負責津貼事宜，如有問題可以查詢。想說我個現金津貼到而家入職差不多半年都未到手，係時候要問下了。但總係嫌麻煩，當我真係問咗會喺呢度update大家..哈哈... 講起HR，諗起我拎職員no Barcode嘅經驗，病房中其他新入職同事都有，係我無，所以我都係去問HR，又係得到一個專屬同事嘅電話，問完隔日barcode就送到病房了。呢個職員No好有用，申請eLearning，HR app，圖書館資源等等都需要用到，即使未有barcode都要打去問自己職員number阿。
講完津貼就講下Report Duty啦。老實講已經過咗咁耐，而且仲要打第二次，我真係有啲唔記得了。大概都係見下CND，但當時真係好緊張... 畢竟第一份工。Pre-RN TUNS同真正簽RN約都Report咗一次Duty，RN果次我明顯好Hea，由於我返A，所以返到病房換TUNS制服，換返便服落去先知原來要著制服去Report Duty！因為要見GMN，因為我哋病房係著工作服的，變咗我果日就換來換去...幸好GMN都遲到，佢都係講下啲人生道理，勉勵下我哋咁。
而我哋病房就有一個Preceptor Programme，會跟住一個Mentor 兩個月，本身話TUNS期間係唔計，但最後其實相差無幾，根本人手不足，不可能俾足咁多日！因為其他地方Rotate過來的RN都只係跟兩個星期，簡直自生自滅... 而跟緊Mentor嘅果兩個月說長不長，說短不短，老實說壓力山大，因為我Mentor人很好，希望教我教得很足，所以當我忘記什麼/做錯時，就會好似媽媽一樣指責我。而家諗返起都好多謝佢，帶我成為一個好護士，不會得過且過。但帶緊未成人嘅日子很難捱，咩名都唔簽得，真係助理也不如。。。但獨立之後嘅日子成長得好快，雖然都係每事問，但當每一件事都要落手落腳無人執手尾嘅時候，你就會記得了...
至於培訓方面，作為一個Full time自然有一系列嘅培訓，包括KCCian的一星期培訓，同廣華醫院自己的Orientation。雖然大多數都係講關於safety嘅嘢，但唔駛返工有錢收，大家都好樂意參與，只係屁股坐到好痛。。。但令我印象深刻的，係廣華GMN分享的一段Youtube。
當中講述失敗嘅意義，對於當時壓力很大嘅我來講又未嘗唔係一種解脫呢。而且GMN仲好熱情地分享佢當年被助理睇唔起嘅經驗，呢啲初心者經歷真係好勉勵我。最記得佢話佢03年SARS時仲係RN...而家已經係GMN...So amazing...
另外當然最期待係廣華的傳統，護士需要學識抽血！！不要懷疑，護士係唔識抽血的... 但廣華呢個傳統令我有得上抽血course。雖然一天嘅抽血course講完等於冇講，但係起碼學咗就可以實戰了... 其他培訓亦都包括一啲department自己的，例如我即將要上的Breastfeeding Course等等，真的覺得自己的Professional Development進行中了。
護士需要終生學習呢。
之後不會再是RN首月呢個主題了，因為呢個首月過得也太久...之後會繼續以小薯仔的碎碎念成長日記去寫我嘅心路歷程。請大家多多指教
==============================
如果喜歡我這樣的分享，請給我5個like！我將會得到Likecoin作為報酬。
如果你想以實際報酬鼓勵創作者，或希望獲得Likecoin，也邀請你使用我的連結進入Liker Land！
推薦閱讀：
護士｜小薯仔的碎碎念成長日記(1)｜成為RN的首月(1)
面試｜2019 浸會醫院 interview之初心者分享與自我檢討（一）
面試｜2019 浸會醫院 interview之初心者分享與自我檢討（二）
面試｜2019 HA interview之初心者分享與自我檢討｜Offer已出
0 Comments
Post a Comment