Last update: 23 Feb 2023


說到來英國必須要儘快處理的事情，換英國車牌可能算是數一數二重要的。

我都係睇咗（遊走英國 - 香港車牌換英國車牌攻略）嘅簡介，知道其實香港的車牌係可以喺英國揸車的，只係買車嘅話車保會比較平，而且住超過一年就點都要換。我嘅Concern係，我雖然攞咗香港車牌，但係我係一個冇真正揸過車嘅新手，所以我根本唔會敢揸車。。。所以我嘅plan係先買一架車，係屋企附近兜下，同埋熟習下交通規則先真係揸。而買車又需要車保，雖然我問過，其實買車係唔需要買車保的，你揸車先要車保。但係如果我到咗英國唔係即刻換車牌，假設我買咗車買咗車保，我揸揸吓車先去換車牌，我就會有一段時間冇車牌用（因為轉英國車牌需要你寄香港張車牌比佢）。當然，你可以預先係香港報失跟住準備多一張先，但係一來我冇做呢個動作，二來我反正都係要買車保，點解我唔買平啲？而且唔使擔心之後有一段時間冇車牌冇得揸車。

根據上面個攻略所講，應該3個星期會寄翻個車牌俾我。Let's see。

我的資料：

申請日期：23 Feb 2023
收到車牌日期：11 Mar 2023
車牌資料：
👧🏻正式車牌、內附駕駛細節證明
👦🏻P牌

關於駕駛細節證明

網上面啲人話最主要係為咗延續牌齡，牌齡最主要for買車保會平啲。但係我張牌就唔關事，我牌齡只有一年。只係我臨去英國先發現唔見咗張車牌， 咁啱要去運輸署排隊搞車牌嘅嘢，所以順便整埋。
但係最後車牌只係用我正式駕駛執照個簽發日期開始計～




關於付款/ 表格

雖然網上面冇乜人講，但係因為轉車牌嘅申請一定要郵寄處理，所以費用只能夠以cheque或者poster order嘅方式繳交。 

由於啱啱嚟英國冇cheque， 所以上網查左話可以用postal order嘅形式繳交，我本來係網上order咗張申請表寄嚟屋企嘅，不過張申請表話要7-10日先寄到嚟。。。後尾我發現個post office就係屋企隔離個小型超市個counter隔離LOL（個超市入面仲有提款機🏧，不過我試過用匯豐world debit卡攞錢要手續費，攞GBP100要3.99手續費）。所以我就直接去咗Post Office攞form同埋整Postal Order。Postal order係一張類似支票嘅嘢（見下圖），但係GBP43嘅Postal Order要5.38手續費（好貴！）。Anyway，佢淨係收現金/ UK嘅Debit卡-v-...所以去之前都要預備呢啲嘢。

另外值得一提嘅係，表格上面有寫不同申請要比嘅價錢同Post code都有唔同，好似我哋轉車牌嘅申請就應該係：First full GB licence in exchange for a ful non-GB licence (including Channel Islands & Isle of Man)
D1 fee GBP 43，Postcode：SA99 1BT。


關於郵票 (詳情)

至於郵票，First Class stamp隔日到，一般郵件要98p，Second Class要68p，2-3日到。郵票超市就買到，我買second class一套8張，GBP 5.44。其實應該要買First Class，不過買當時唔知有咩分別，所以求其買。

關於地址證明

雖然好ridiculous，但的確喺英國，driving license就同HKID一樣重要，仲要可以攞嚟做埋地址證明LOL。去搞一次銀行🏦戶口先發現住址證明真係好難攞 。。。附上HSBC UK接受的proof of address連結🔗比大家參考。。。