呢個香水牌子好巴閉，要排waiting list先可以買。不過可能就係呢個商業模式就吸引左我…（物以罕為貴嘛）

開始留意到呢個牌子係因為佢嘅ig廣告🪧，話而家入waiting list嘅話就有機會買到Winter 2023支香水啦！

於是乎基於好奇，我就search咗呢個牌子嘅一啲資料💾，發現好少劣評，所以我就諗住即管試吓啦，一季先一支，每支£89，就當買個生活品味。

而且，你唔鍾意啲香水，可以試咗佢包裝外面嘅試用裝之後，選擇退返比佢哋。我覺得呢個設計都幾聰明，始終香水香味每次唔同嘅話有機會你會唔鍾意支香水，而呢個設計就可以令到顧客能夠體驗訂閱嘅樂趣，亦都唔需要擔心或洗咗錢，但得唔到想要嘅效果。

而退咗嘅香水，佢會放喺會員個pool，如果有某人鍾意嘅話，就可以買走。呢種期間限定，又有少少期待嘅感覺真係好令着迷。

Waiting List排幾耐？

我11 Nov 2023開始排waiting list，20 Nov 2023就收到SMS話俾24小時我落單。講到好緊張架，得6個位🫣⋯
話說佢個聯絡方法都幾特別，開始排waiting list嘅時候都只係留電話號碼，用SMS聯絡。
當你真係訂閱咗之後，佢先至會留你嘅email。
我嘅經驗係排咗一個禮拜就排到，但係中間，一個叫Owen嘅人都有SMS講話多謝我有興趣排waiting list啊之類，都幾個性化，好有小眾牌子嘅感覺。

好期待呢支香水會帶俾我乜嘢體驗。
Winter 2023將會喺冬至（22 Dec）ship。
拭目以待中。


體驗：

Winter 24