食完燒鴨我會用燒鴨嘅鴨架同啲汁煮成高湯。

一隻鴨我都係大概放水小美放到max，加蔥、薑片、冬菇同埋瑤柱。

原隻冬菇同瑤柱我冇特別浸直接放落去煲。

同時我會浸定啲米，180g大概一合半，啲人話早啲放雪櫃浸會容易啲開花。好似話仲可以加啲鹽同油香啲滑啲？

98-100度/ 30-40mins/ 反轉小湯匙

啲瑤柱煲完碎晒同啲鴨骨一齊有啲難拎返出嚟，可能加個袋會好啲？

煲完之後啲高湯過濾出嚟，連埋啲米放返落小美。我自己大概水比例係1:9，唔夠湯就另外加啲水。但係我見啲人比例再高啲都得，所以啲水可以自己酌量加多咗都無所謂？

啲冬菇就切片一齊落，個芯仲係乾嘅。

• 35分鐘/ 98度/ 反轉速度1

都係大概，睇下佢開花未。如果你想佢滾嘅話應該100度都得！

最後加少少鹽同胡椒粉即成。

我自己覺得係冇雞粥咁香甜，不過都好食，費事浪費嘛。


參考資料

 美味變異點心「烤鴨老火粥」