上回提到終於到咗MIU，時間大概係11點15分左右，老公入去問人攞咗張輪椅嚟車我，Reception姐姐就俾咗紙你，要簡單講一講事發經過，有幅圖要圈一圈injury site，跟住填寫一啲簡單嘅個人資料，就開始等，雖然佢寫話要兩個鐘左右，但係我12:40分就已經照完Xray啦，1點40分上車走佬！

先係入房見咗醫生，大致問診同埋檢查一下患處。但係因為我寫自己toe injury，所以佢一路都係撳我腳趾公附近啲位，跟住就寫咗紙俾我去照Xray，Xray個邊就冇咩人唔使等，照完之後佢就叫我返MIU個邊等，但我經過醫生房嘅時候個醫生就叫住咗我去返佢間房，佢即時望我張Xray，我都一齊睇得到，照咗一張正面一張45度角，佢話腳趾公睇落好正常冇fracture，但係當佢睇到中足嘅時候就有啲唔肯定啦，佢就想打俾上級問下意見，不過咁啱上級就忙緊啦，但係佢其實都70%肯定有啲嘢，所以就帶定我去plaster room度坐，兼俾咗Elbow crutches我，叫我用完就還返返去。

等咗一陣之後，佢就話俾我聽我係Lisfranc injury，話我fracture咗midfoot，要打石膏，幫我book咗聽日嘅期（18/7 12點）去睇Trauma unit專科。我問佢幾耐會好？佢話normally 4 to 6 weeks（開頭我仲聽錯46weeks -.- 應該真係聽錯，邊有咁準確幾多週數呢？

石膏就係真係Plaster of Paris啦，都好快就打好，不過就唔係full cast，因為佢話留返啲位俾我swelling。

我就真係勁無奈啦，未接受到現實，但都要通知病房，但係MIU就唔願意開sick note俾我，佢話7日內我都可以self verify，之後就搵你嘅GP啦咁。我真係勁無奈，我都幾肯定如果我係要專科復診，咁我根本就唔會見到GP啦？

Anyway，無驚無險就打咗石膏返屋企。