生仔先嚟轉工

突然很想分享一下生仔先嚟轉工嘅經歷。

2023年2月來英國的時候已經27歲了，有仔係要趁嫩生，但計畫總是趕不上變化，搵工考牌買樓一連串事件發生，終於喺NHS搵到份工叫做安頓落嚟已經係2024年2月。

而家睇返，一年內竟然完成咗咁多個成就真係好匪夷所思！

但係好景不常，諗住終於可以生仔嘅時候，2024年嘅夏天我就跌斷咗隻腳😂

可能我真係夏天大咗肚嘅話我就唔會諗咁多野繼續做，不過偏偏做得耐咗，開始就諗讀書，諗未來，我真係唔想做骨科！

於是我把心一橫apply咗neonate🙂‍↕️

天知道哩一切內心有幾掙扎，仔唔係話要生就有，工更加唔係你話搵就一定offer俾你⋯

但上天實在對我太好，收到offer嘅同時，BB都悄悄地住咗入去...

生仔好難話純粹意外，但係我真係冇expect呢個時候嚟，我仲去咗飲酒，浸hot tub，做盡一切禁忌🙂‍↔️

仲更加難面對嘅係，本身骨科做咗幾個月就sick leave咗兩個月多啲，跟住就同人講我要轉工，再加大肚🫣

跟住去到BB科，又未入職就同人講，我大咗肚🙂‍↕️supernumerary兩個月，再做多兩個月，我就放maternity leave一年啦🥴


天知道究竟我有幾想搵窿捐🫩


但係哩到係英國🇬🇧唔係香港🇭🇰

關關難過關關過，咁多壓力來源，又轉新工接受新環境，我竟然一啲壓力都冇🫣

之前嘅擔心簡直就係多餘，佢地都好明白計畫趕不上變化，冇女仔係要因為生仔而焦慮！


我都好明白生仔係要計畫，始終係一個小生命，大家總係希望要比最好嘅野佢。


我個寶貝女出咗世之後，我又要面對好多新挑戰。Childcare、錢銀、小朋友教育⋯


但係英國🇬🇧俾到我嘅support真係好多，雖然我都唔係容易壓力爆煲果類人，但係英國🇬🇧呢個地方真係教識左我，人係唔應該要有壓力🥲


You don’t need to be tough😌

有咩挑戰，到時先面對啦🤗