我竟然仲未為溏心蛋整個筆記-口-

話説事緣同事SH小姐有日Night food帶咗溏心蛋翻嚟，賣相簡直驚為天人！啲蛋黃係全部都流心的，整到恰到好處。一般情況下我係唔食流心蛋的，但係配上溏心蛋個汁，唔知點解就好正！

所以問佢攞咗個食譜，雖然搞咗勁耐，應該差唔多有一年lol 我先試第一次，但遲到好過冇到吖嘛！

價錢方面，外面一隻溏心蛋大概HK$7，而自己做的因為材料也矜貴一點，大概HK$2 一隻蛋，醬汁方面就視乎你做的次數和分量了，大概成本是HK$5 左右一隻蛋上下吧！自己做其實超級無敵簡單，沒有味醂也可以自製哦

Table of content:

  • 食譜
    • 煮汁
    • 煮蛋    
      • 氣炸法 
      • 水煮法
        • 室温蛋  
        • 雪櫃蛋
  • 初心者筆記 


食譜如下：

汁

鰹魚豉油+味醂+水（我係1:1:1咁落，再自己慢慢試到啱味。）、

如果用日本濃口醬油，醬油：水比例1：2-4比較靠譜，可以加啲料理酒。


Chi Chi Ma 醬汁 (4-5隻蛋份量)

水110ml 

醬油70ml 

味醂20ml (唔想太重酒味可減)

糖2 湯匙

整完醬汁之後可以試下個味先～

同埋下次再整既時候可按個人口味調整醬汁😆



<啲汁嘅份量可以搵你會用嚟浸雞蛋嘅盒嚟量，要完全浸過曬啲雞蛋先得>

調完味之後煲滾啲汁，等到啲汁完全凍哂之後先再落雞蛋放雪櫃浸一日

整好汁先烚蛋(´▽｀)

TIPS：點解要煲嘅啲汁😹會濃啲㗎🤣 或者可以消毒？

雞蛋

氣炸法

雪櫃蛋不預熱的情況下3隻蛋180度下13分鐘~然後放冰水降温

水煮法

室温蛋

雞蛋買返嚟放室溫唔好雪凍佢（因為好控制温度，滾水落蛋會爆）

煲一鍋水，水要可以蓋過啲蛋。

煲滾水之後先落蛋。最好搵個勺慢慢落，啲蛋好易會爆。（落蛋嗰陣時盡量唔好差太遠時間，好易會有啲過熟有啲太生）

冚蓋細中火煮5分30鐘（要自己試幾次睇下佢個生熟程度）p.s.根據我自己的IRIS OHYAMA，2度要煮6分鐘我認為剛剛好

即刻倒入冰水等一陣再剝殼（剝殼可以浸係水都會無咁易爛）

蛋要自己試幾次先整到(/ω＼)

雪櫃蛋

如果唔想等，哩個方法都可以minimize 爆蛋嘅風險~ 首先大火（IRIS OHYAMA 3度）煮滾（不用冚蓋以便觀察），再轉2度冚蓋煮4分鐘~
實測：煲滾約用了6分30秒。冚蓋煲滾用咗5分鐘

TIPS：想蛋白快啲凝固可以加鹽，增加成功率（原因在此/button）

想睇食譜睇到哩到就得啦~ 以下喺初心者筆記。


初心者筆記

Trial 1 （10 Jan 2022）



室温：19度
屋企冇鰹魚豉油，求其攞咗個嚟試。
用咗1:1:1（各50ml），米酒就落咗30ml



不知道是否用的醬油不對，調出來是有點太鹹，我醃了大概5小時左右，味道是對了！但浸蛋因為沒有浸沒，所以一邊深色，一邊冇色🤣

之後我用翻同一隻汁整咗第二次，今次加多咗水到淹沒啲蛋，今次啲蛋醃製得啱啱好！都喺放咗一晚左右，但係我懷疑啲蛋應該可以煮多一陣，下次會試下用新汁，蛋會試6分鐘，因為好容易整爛。同埋唔知一次過整多幾隻蛋會唔會唔熟呢？

Trial 2 （18 Jan 2022）

這幾天看了不少資料，大家都說溏心蛋汁的存放時間大概是一周，重複使用前要先煮滾，確實殺菌～反而第一次用就沒有要求一定煮滾～不過我覺得某程度上能逼出酒香吧？

至於溏心蛋汁最後則可加水做成丼飯汁/鹵水雞髀/馬鈴薯燉肉^_^

這次用了這兩款汁，只是鰹魚豉油雖然說是兩倍濃縮，但即使是不兌水感覺也不濃？出來汁的顏色很淡，感覺是用來做湯底的那種鰹魚汁！

所以我覺得還是醬油：水比例1：2-4比較靠譜！
這次我在煮汁是偷偷加了一點上次的醬油～但蛋還是不太鹹😹
再接再勵！









Trial 3 （23 Jan 2022）

我問了SH小姐，原來她用的鰹魚豉油是三倍濃縮的！
下次就試試她的配方~
而這次我試的是第二個煮蛋的方法：雪櫃蛋取出後用大火（IRIS OHYAMA 3度）煮滾，再轉2度冚蓋煮4分鐘~
實測：煲滾約用了6分30秒。
略嫌有點太熟了~但蛋黃仍然流心~下次可以在冚蓋煮的時間略減至3分半鐘，因為開始滾同真正滾中間其實都有半分鐘的時間差

Trial 4 （10 Mar 2022）

雪櫃蛋冚蓋3度煮滾用咗5分鐘，之後用2度3分鐘，太生了~連蛋白都未熟好難剝殼~ 
後來用翻嗰啲水再煮兩隻蛋用咗7分鐘~
哩批蛋都係好perfect嘅蛋！



但係下一批我用咗Iris Ohyama個大煲（打邊爐果個），雪櫃蛋三度煮咗11分鐘先滾，跟住又煮咗6分半鐘。就是超熟…完全fail。我的結論是不論煮滾用幾耐, 滾咗之後用4分鐘就冇錯，但最好煮滾嘅時間要快，越大火越好。

Trial 5 （23 Mar 2022）

今天嘗試用氣炸的方法做溏心蛋~
網絡上的食譜是雪櫃蛋+不用預熱的氣炸鍋 170度 炸8分鐘最好，但經過我的嘗試，8分鐘根本連蛋白都未熟！所以説做溏心蛋這件事真的很難掌握。我則是差不多試了一排蛋才找到小小成功的方法。因為170度8分鐘不行，於是我嘗試了200度8分鐘，也不行，於是我直接用15分鐘，結果蛋熟透了。接着，我試了一隻蛋180度15分鐘，結果只有蛋黃心一點點沒有熟透。最後我用180度3隻蛋試了12-14分鐘的版本，但蛋白還是有點粘殼。

溏心蛋對於温度的控制很敏感，我認為我的氣炸鍋可能功率比外面的低，但提升温度只會讓蛋的外圍烤焦，所以只能用提升時間的方法了。我下次會試試不預熱的氣炸鍋3隻蛋烤15分鐘的版本，應該是很安全的了。

Trial 6 （26 Mar 2022）

實測不預熱情況下3隻蛋15分鐘，幾乎全爆全熟了。所以我試了3隻蛋不預熱12分鐘，結果有一隻蛋白不熟而失敗，有兩隻都成功變成溏心蛋！下次應該13分鐘就鐵定成功啦！

Trial 7（29 Mar 2023）

事隔一年在英國再做，用了日本的萬字醬油，以為是濃口，也要兌水多一點，但結果似乎不夠鹹。用了Thermomix的方法煮蛋，well cooked，但蛋白不離殼，裏面卻已經很熟了，我選的是medium，下次試試加鹽煮。

參考資料